Strakosha rikthehet mes shtyllave, titullar në finalen e Kupës së Italisë
Lajme të mira për skuadrën e Lazios në prag të finales së Kupës së Italisë përballë Atalantës, e cila do të luhet nesër.
Portieri i Kombëtares së Shqipërisë, Thomas Strakosha, ka hedhur pas krahëve dëmtimin në tendinën e Akilit, teksa në sfidën finale do të marrë vendin e titullarit.
24-vjeçari e pati të pamundur të aktivizohej në ndeshjen e kaluar në kampionat, megjithatë në një sfidë të rëndësishme si Kupa e Italisë, që është objektiv i Lazios, ai nuk mund të mungonte.
Për Strakoshën do të jetë një përballje e veçantë, teksa pjesë e Atalantës janë dy shqiptarët, Berat Gjimshiti dhe Etrit Berisha.
