Cristiano Ronaldo shënoi golin e tij numër 600 (në 801 ndeshje) ndaj Interit në derbin e Italisë, që përfundoi 1-1. Nuk vonoi shumë përgjigja e Lionel Messit, i cili e kapi këtë shifër me dy gola ndaj Liverpool (në 683 ndeshje), për më tepër me një kryevepër nga goditja e dënimit.
Si për të treguar dominimin e beniaminit të tyre dhe besnikërinë e të qenit lojtar që vesh fanellën e vetëm një klubi, Barcelona ka publikuar një grafik me klubet më të forta të Europës me listën e golashënuesve më të mirë të tyre.
Grafiku fillon nga sezoni 2004-2005, kur Messi debutoi me katalanasit e deri në ditën e sotme. Në fillim ishte Gerd Muller që dominonte me 565 gola me Bayern Munich, i ndjekur nga Ian Rush i Liverpool me 346 gola, ndërsa Meazza i Interit plotësonte treshen me 284 gola.
Në listën e 10 më të mirëve Cristiano Ronaldo do të shfaqet vetëm në sezonin 2012-13 me Real Madridin, pasi më parë ishte tek Manchester United.