Ajaxi është shpallur mbrëmjen e djeshme kampion në Holandë dhe fitoi trofeun e dytë sezonal.
Lojtarët kanë kurorëzuar një sezon të shkëlqyer, i cili me shumë mundësi do të jetë i fundit me këtë fanellë për disa prej tyre.
Matthijs De Ligt, kapiteni i Ajaxit, është pyetur për të ardhmen e tij.
“Nuk mund të them asgjë, më duhet të shoh situatat. E vetmja gjë e sigurt është që nuk kam firmosur me askënd”, ishin fjalët e holandezit.
Barcelona, Bayern Munchen, Liverpooli apo edhe Juventusi janë klubet, të cilat janë interesuar deri tani për 19-vjeçarin.
Barcelona duket se është në “pole position”, pasi te klubi katalanas do të luajë edhe shoku i ekipit tek Ajaxi, Frenkie De Jong.