Në fundjavë të gjithë sytë do të përqendrohen në Bundesliga pasi Bajerni dhe Dortmundi do të ndajnë titullin në javën e fundit të kampionatit.
Bavarezët do të presin në shtëpi Frankfurtin, ndërsa Dortmundi do të udhëtojë në Gladbah.
Skuadrat janë vetëm dy pikë larg njëra-tjetrës por Bajerni është më i avantazhuar për sa i përket titullit.
Skuadra e Niko Kovaçit mjafton të mos humbasë në Mynih për të siguruar titullin e 29-të në historinë e klubit. Dortmundit në krahun tjetër do t’i duhet vetëm fitorja në Gladbah dhe të shpresojë në një humbje të Bajernit.
Nëse skuadrat renditen me pikë të barabarta, atëherë do të merret në konsideratë golavarazhi i përgjithshëm ku sërish Bajerni është më i avantazhuar.
