Disfatë e shëmtuar 1-0 për Tottenham, që u desh ta mbyllë ndeshjen ndaj Bournemouth me vetëm 9 futbollistë, për shkak të kartonëve të kuq të marrë nga Son e Foyth.
“Nuk ka shumë për të thënë”! Ishin këto fjalët me të cilat trajneri i “Spurs”, Mauricio Pochettino nisi konferencën për mediat pas ndeshjes. “Është koha për të ecur përpara, për tu përgatitur për ndeshjen e radhës. Të gjithë e panë se çfarë ndodhi në fushë”, vijoi Pochettino.
“Në 40 minutat e para po luanim aq mirë. Mendoj se krijuam shumë raste për gol. Nuk shënuam dot dhe futbolli kështu është. Është i pashpirt. Pastaj mjaftoi një gol në limite”, deklaroi trajneri i Tottenham.
