Futbolli në Spanjë është tronditur ditën e sotme, ku falë një aksioni policor janë arrestuar disa futbollistë dhe drejtues të dyshuar për fiksim të rezultatit të ndeshjeve, për qëllime bastesh, si pjesëmarrjen në organizatë kriminale dhe pastrim parash.
Sipas “Aragon Tv”, manipulimet e ndeshjeve kanë ndodhur gjatë 2 sezoneve të fundit, 2016-2017 si dhe 2017-2018. Gjatë operacionit u arrestuan ish-futbollisti i Realit të Madridit, Raul Bravo, i cili dyshohet se është personi kryesor i organizatë, si dhe Borja Fernandez (Real Valadolid), Karlos Aranda, i tërhequr nga futbolli, Samu Saiz (Getafe), Inigo Lopez (Deportivo La Korunja).
Gjithashtu është arrestuar edhe presidenti i klubit të Hueskas, Agustin Lasaosa si dhe shefi i shërbimeve mjekësore të klubit Galindo. Mediat spanjolle raportojnë se policia është duke punuar për zbardhjen e provave.
