Bilardisti shqiptar Eklent Kaçi ka siguruar një tjetër trofe të rëndësishëm në karrierën e tij, duke fituar turneun e lojës me 9 gurë në Pongau Open 2019 në Austri, pasi mundu në finalen gjermanin Joshua Filler me rezultatin 9-6.
Të dy sportistët synonin të kapnin vendin e parë në renditjen e Euro-Tour por ishte Kaçi që ia doli në një përballje që u përshkruan nga specialistët si tepër cilësore.
Loja ishte e ekuilibruar fillimisht dhe të dy sportistët arritën të siguronin secili 5 fitore nga 10 lojë të zhvilluara, por më pas Kaçi nisi shkëputjen dhe siguroi titullin.
‘Nuk e di se si arrita deri në finale duke fituar katër ndeshje të vështira, Besojeni ose jo kisha 30 orë pa gjumë’, shkruan Kaçi në llogarinë e tij në Instagram.
‘Nëse do të kishte fituar, Filler do të më merrte fronin e Europës, por vazhdoj të jem unë numri 1’.
