Një ide e “çmendur” ka lindur në mendjen e Liverpulit, pasi do të kërkojë të blejë nga Barcelona, francezin Usman Dembele.
22-vjeçari nuk e ka gjetur asnjëherë veten te katalanasit dhe nuk ka shfaqur talentin dhe potencialin e tij të vërtetë aty. Kështu që klubi spanjoll mund ta shesë gjatë verës.
Siç raporton “Teamtalk”, kjo është një ide e Jurgen Klop, i cili beson se te Liverpuli do të gjejë veten dhe do të shndërrohet në atë lojtarin shpërthyes që ishte te Dortmundi në 2017-ën.
Problemi në këtë çështje qëndron te çmimi i kartonit të lojtarit, i cili është blerë 125 milionë euro nga Barcelona, e cila nuk pranon oferta më të vogla se kjo.