E ardhmja e Armando Sadikut projektohet në Turqi.
Bëhet fjalë për klubin e njohur të Trabzonsporit me presidentin që ka dhënë urdhrin që të mbledhë mbledhin informacione të detajuara për sulmuesin shqiptar.
Konkluzionet e specialistëve të Trabzonsporit kanë qenë pozitive për “bomberin” e Kombëtares shqiptare e tashmë vendimin e fundit për transferimin e tij do ta marrë trajneri Unal Karaman.
Mësohet se Levante e vlerëson sulmuesin shqiptar 750 mijë euro, por drejtuesit e Trabzonsporit shpresojnë që çmimi të ulët në 500 mijë euro. Sa i përket pagës së sulmuesit, mësohet se ai do të përfitojë plot 750 mijë euro në sezon.
