Emanuele Ndoj ishte një nga protagonistët kryesorë të suksesit të këtij sezoni me skuadrën e Breshias. Këta të fundit arritën të ngjiteshin në Serinë a, teksa mesfushori i Kombëtares së Shqipërisë ishte një titullar i rregullt, duke marrë në patronazh mesfushën e Breshias.
Ndërkaq, falë sezonit të shkëlqyer, Ndoj ka fituar vëmendjen e disa klubeve të cilat e shohin 22-vjeçarin si një lojtar me shumë perspektivë.
Në fundmi nga mediet italiane është mësuar se Milani është e interesuar për shërbimet e Ndojit. Projekti i ri i kuqezinjve me trajnerin e ri Xhampaolo do të jetë i mbështetur kryesisht te futbollistët e rinj dhe mesfushorit i ka dalë emri në merkaton e Milanit.
Ndërkaq, duket se Ndoji e ka të sigurt largimin nga Breshia, kjo edhe për shkak se menaxheri i lojtarit ka marrëdhënie të këqija me presidentin Çelino.
Ndërkaq, për Ndojin nuk përjashtohet as pista që e dërgon lojtarin drejt Bolonjës, teksa këta të fundit kanë shprehur interesimin për shqiptarin.
