Vjedhjet në Spanjë janë kthyer në një problem të madh kohët e fundit dhe më të prekurit çuditërisht kanë qenë futbollistët dhe stafi i Real Madridit por jo vetëm. Pak ditë më parë, teksa Morata luante me Spanjën, hajdutët i kishin vjedhur shtëpinë aty ku gjendej bashkëshortja e tij duke i marrë disa gjëra me vlerë.
Sakaq, hajdutët janë bërë sërish faktor ku javën e fundit u grabit shtëpia e trajnerit Zidan dhe e mesfushorit Isko por duket se nuk do të ndalet me kaq. Mediat spanjolle raportojnë ditën e sotme se është bërë një tjetër vjedhje dhe pre ka rënë shtëpia e mesfushorit Lukas Vaskez te e cila kanë arritur të marrin disa gjëra me vlerë.
Në të kaluarën ka qenë grabitur edhe shtëpia e Mesut Ozil ndërkohë që pre ka rënë edhe Artur Melo i Barcelonës. Në fakt, shqetësim kanë pasur shpesh herë futbollistët e Napolit për grabitjet në shtëpi dhe në rrugë, por duket se këtë radhë Madridi ka arritur të marrë stafetën.
