Barella është lojtari i momentit jo vetëm në Serie A, por tashmë edhe në kombëtaren italiane.
Mesfushori i Cagliarit, i cili është pranë nënshkrimit me Interin, ishte autori i golit të parë në fitoren e pastër 0-3 për të kaltrit në Greqi.
Por para se të shënonte, ai u bë pjesë e një momenti sa qesharak edhe aq të dhimbshëm.
Mesfushori godet topin në tension e sipër me lojë të ndaluar dhe ai përfundon në fytyrën e një djali që mbledh topat.
Por Barrela tregoi edhe anën e tij pozitive, duke i kërkuar menjëherë falje dhe i dhuroi një përqafim.
