Shqipëria luan mbrëmjen e sotme takimin e katërt për kualifikueset e Euro 2020. Kuqezinjtë presin në “Elbasan Arena” një kombëtare modeste si ajo e Moldavisë, por kjo nuk i lejon që të jetë e qetë në marrjen e 3 pikëve.
Rëndësinë e kësaj ndeshje e ka pranuar edhe ylli i Arsenalit, Granit Xhaka. Ai ka shfrytëzuar pushimet me kombëtaren e Zvicrës për të ndjekur nga afër kombëtaren e Shqipërisë, duke qënë edhe një tifoz special në këtë takim.
Nëse nuk do të ishte për Zvicrën, Graniti do të ishte në fushë mbrëmjen e sotme, por mbiemri Xhaka nuk mungon në fushë. Taulanti, vëllai i madh i Granit është në fushë dhe si idhull i mesfushorit të “topçinjve” do të jap gjithçka për të marrë 3 pikët.
