Manchester City nuk ka ndërmend ta shesë Leroy Sane nën vlerën e 100 milionë eurove.
Kohët e fundit Bajerni i Mynihut ka shtuar interesimin për mesfushorin gjerman i cili është prioriteti kryesor i merkatos së verës.
City, megjithatë, nuk e ka ndërmend të ndahet me një lojtar që premton shumë për të ardhmen.
Kostoja e transferimit pritet të kushtojë rreth 100 milionë euro, në rast se ‘bavarezët’ vendosin të paguajnë klauzolën e ish-lojtarit të Schalke.
Ditë më parë ishte presidenti i klubit të Bayern që e kishte pohuar se kanë pasur kontakte me Manchester Cityn për yllin gjerman.