Elseid Hysaj ka folur para duelit kundër Moldavisë e cila zhvillohet ditën e martë në “Elbasan Arena”.
Në një deklaratë për mediat, kapiteni i Kombëtares shqiptare tha se kuqezinjtë janë rikthyer të bëjnë lojë të mirë.
Por kur u pyet për kualifikimin e mundshëm ai kishte një përgjigje diplomatike.
“Gjetëm nivelin e lojës tonë pasi e kishim humbur. Jam im kënaqur me lojën që bëmë dhe duhet të vazhdojmë.
Besoj se duhet të ishim pak më konkret në përfundimin e aksioneve. Kishim aksionet dhe na mungoi konkretizimi. Pasimet e gjata. Nuk besoj se ne kemi luajtur me shumë topa të gjatë këtë e kemi bërë që të nxjerrim lojtarët para porte të shënojnë, por loja nuk ishte vetëm me topa të gjatë.
Skema? Është një rol i ri për mua, por unë jam profesionist dhe duhet ta bëjë mirë. Unë nuk e prisja ta bëjë aq mirë dhe ndeshja më shkojë mirë.
Kualifikimi? Duhet të vazhdojmë të punojmë për rritjen e Kombëtares. Do ta fillojmë nga zero, për të bërë një grup, duhet të krijojmë identitet dhe të kemi kohën për më mirë.
Kapiteni? Është zgjedhje e trajnerit, jam i kënaqur për këtë gjë. Çdo kush ka dëshirë të jetë kapiten i ekipit Kombëtar, dhe për mua është një ëndërr që po realizohet.
Kujtojmë që dueli ndërmjet Shqipërisë dhe Moldavisë zhvillohet më 11 qershor në orën 20:45, “Elbasan Arena”
