Neymar ka një arsye për të buzëqeshur. Pas akuzave për përdhunim dhe dëmtimit që e ka detyruar të heqë dorë nga Kupa e Amerikës, “O Ney” ka marrë një lajm të mirë.
Këtë të shtunë, doktori i ekipit të parë të PSG-së, Laurent Aumont, dhe një nga figurat më të rëndësishme të mjekësisë sportive, Profesor Gerard Sillant, kanë vlerësuar dëmtimin e pësuar nga braziliani në miqësoren e luajtur me Brazilin kundër Katarit të mërkurën e kaluar.
Dy doktorët kanë konfirmuar ndrydhjen e ligamenteve të kaviljes së djathtë dhe kanë arritur në konkluzion se nuk do të jetë i nevojshëm një operacion.
Kështu, sulmuesi i PSG-së pritet të kthehet në fushë në harkun e katër javëve.
