Trajneri Pep Guardiola ka shuar çdo zhurmë për një transferim të tij të mundshëm në stolin e Juventusit.
Në një intervistë për mediat angleze, Guardiola ku ka mbyllur përfundimisht “dyert” e një largimi të mundshëm nga Manchester City, përkundër zërave që e lidhnin të ardhmen e tij me Juventusin dhe klube të tjera.
Spanjolli tha se Anglia është vendi ideal për të ushtruar punën e trajnerit, ndërsa pranoi se do të vijojë gjatë me Manchester Cityn, pasi “më e mira pritet të vijë” në sezonet e ardhshme.
“Nuk ka vend më të mirë sesa Anglia, për të bërë punën e trajnerit, Në Spanjë ose Itali, po nuk fitove, të vërshëllejnë, ndaj është e vështirë të mendosh për futbollin e bukur. Do të vijoj gjatë te City, pasi kemi fituar dy tituj dhe disa kupa, por më e mira nuk ka ardhur ende”, tha Guardiola.