Juventus me të vërtetë nuk ka ndërmend të ndalet në këtë merkato.
Pasi siguroi shërbimet e Ramseit dhe Rabiot, drejtuesit bardhezi tashmë shikojnë për objektiva të tjera. Sipas asaj që shkruan “Rai Sport”, Juventusi ka hedhur sytë nga portieri i Milanit, Xhanluixhi Donaruma.
Italaini mund të forcojë ekipin e bardhezinjve nëse, Shezni, largohet nga “Allianz Stadium”. Për 20-vjeçarin, “Zonja e vjetër” interesohej edhe një vit më parë por, pa arritur të gjejë një marrëveshje me drejtuesit kuqezi.
Kjo nuk pritet të jetë një marrëveshje e lehtë, për faktin se tani Milani nuk është i detyruar të rregullojë financat, duke qenë se mori dënim nga UEFA. Gjithsesi këto mbeten thjesht thashetheme merkatoje, më shumë rreth këtyre do të mësojmë pasi të hapet merkato, e cila është në datën 1 korrik.