Barcelona është përkrahur për dy objektivat e verës, Neymar dhe Antoine Griezmann, nga ish-trajneri Pep Guardiola.
Neymar mund të rikthehet në “Camp Nou” vetëm dy vjet pasi u largua për një marrëveshje rekord me PSG-në.
Griezmann zbuloi muajin e kaluar se do të largohet nga Atletico Madridit dhe Barcelona është favorite për të siguruar shërbimet e sulmuesit.
Guardiola mendon se të dy lojtarët do t’i përshtaten kampionëve të La Ligës.
“Gjithçka varet nga ideja që keni në mendje me drejtorin sportiv dhe trajnerin”, u tha gazetarëve Guardiola.
“Lojtarët e mirë janë gjithmonë të mirëpritur në çdo ekip. Të dy ata janë shumë të mirë për Barcelonën”, tha tekniku spanjoll.
