Trajneri i ri i Juventusit, Maurizio Sarri, e ka pranuar se i ka dalë nga kontrolli zakoni i pirjes së duhanit, duke zbuluar se brenda ditës ai pi 60 cigare.
Trajneri italian momentalisht është me pushime në Ascoli-Piceno, ku foli në një intervistë për uebsajtin lokal, “La Nouva Riviera”.
Ai diskutoi për dashurinë që ka për këtë pjesë të vendit dhe për zakonin e tij të famshëm, duhanpirjen.
“Unë i pi 60 cigare në ditë, që mbase është goxha shumë”, e pranoi Sarri.
Ai është parë shpesh duke i përtypur filtrat e cigareve në stol gjatë ndeshjeve me Chelsean.
“Gjatë ndeshjeve nuk e ndiej nevojën e veçantë për të pirë cigare, por menjëherë pas ndeshjes është e nevojshme për ta bërë”, shtoi ai.
