Granit Xhaka, beson se Cristiano Ronaldo nuk është nga ky planet.
Mesfushori zviceran i Arsenalit shtoi se Ronaldo dhe Lionel Messi janë shumë larg të gjithë futbollistëve të tjerë.
“Mendoj se luajtëm shumë mirë. Sipas mendimit tim ne ishim skuadra më e mirë, por dallimi është se ata e kanë Ronaldon. Është e pabesueshme çfarë lojtari është ai. Ai nuk quhet kot ndër më të mirët në botë”, ka thënë Xhaka.
“Ronaldo është i veçantë sepse gjithmonë e di se ku duhet të pozicionohet. Mendoj se e mbajtëm në kontroll për një periudhë, por në fund ai i shënoi tri gola dhe ne e humbën ndeshjen. Mendoj se mund të jemi krenar për mënyrën se si luajtëm kundër një skuadre shumë të mirë”, vijoi ai.
Kur u pyet nëse Ronaldo ishte lojtari më i mirë në botë, ai u përgjigj: “ Sipas mendimin tim, janë dy më të mirët. Messi dhe Ronaldo nuk janë nga ky planet, ata janë mbi gjithë të tjerët…”, përfundoi ai.
