Antonio Konte dëshiron të ketë një skuadër të fortë për të rivalizuar Juventusin, dhe iu ka kërkuar drejtuesve ndërhyrje në merkato.
Sipas asaj që shkruan “MundoDeportivo” tekniku italian dëshiron në skuadrën e tij mesfushorin kroat, Ivan Rakitiç. Për mesfushorin 31-vjeçar interesohej edhe Luçiano Spaleti kur ishte në krye të stolit zikaltër por nuk iu plotësua dëshira.
Zgjedhja e parë e Antonio Kontes është Nikolo Barela i Kaljarit , por në rast të dështimi të tij, Ivan Rakitiç është një tjetër dëshirë e 49-vjeçarit. Rakitiç është një titullar i padiskutueshëm tek Barcelona, por me ardhjen e Frenki De Jong, duhet të pranojë stolin.
Kroati ka luajtur 5 sezone në Kamp Nou, ku ka zhvilluar 268 ndeshje dhe 35 gola.
