Dalin detaje të tjera nga çështja e përdhunimit për të cilën akuzohet Neymar.
Televizioni brazilian, “Record TV”, ka publikuar ditën e djeshme një VIDEO, të cilat gjenden edhe në dosjen e hetimit të policisë, ku Neymar shfaqet bashkë në dhomë me modelen Najila Trindade.
Ngjarja e shëmtuar e yllit brazilian thuhet se ka ndodhur më 15 maj të këtij vitit në një hotel në Paris.Siç mund ta shihni në videon më poshtë të dy shfaqen duke debatuar, madje fillojnë edhe të godasin njëri-tjetrin.
Për këtë video, ishte edhe babai i lojtarit, që telefonoi në televizion teksa transmetohej video, dhe u shpreh: “Mendoj se nuk kam pse të mbroj djalin tim për ndonjë gjë. Imazhet flasin vetë dhe është e qartë në video. Këto pamje do provojnë se Neymar është ai që u sulmua. Ajo e provokoi me një sulm”.