Matthijs De Ligt është e sigurt që do të largohet nga Ajaxi këtë verë, por është shndërruar në një telenovelë me shumë seri destinacioni i tij përfundimtar.
Mbrojtësi nuk po arrin të marrë një vendim final. Klubet e mëdha qëndrojnë në pritje për të.
Agjenti i tij, Mino Raiola, me veprimet e tij krijon edhe më shumë “tym” rreth të ardhmes së De Ligt.
Barcelona ishte shumë pranë tij, por një mosmarrëveshje mes katalanasve dhe menaxherit italian ka sjellë në ndalimin e operacionit.
Raiola kërkon një shifër prej 15 milionë euro si komision. United ishte i gatshëm t’ia jepte, por edhe pista e “Djajve të Kuq” është zbehur.
Këtu mund të ketë ndikuar dëshira e lojtarit. Vështirë se ylli i Ajaxit do të zgjidhte të vazhdonte karrierën në një klub që ka formën e një kantieri ndërtimi.
Manchester City dhe Liverpool janë dy alternativat favorite të momentit.
Të dyja këto ekipe po dominojnë futbollin anglez dhe jo vetëm. De Ligt do e pëlqente një bashkim me Klopp ose Guardiolën.
Te të dy klubet ai ka shumë mundësi të jetë titullar. Me atë që ka treguar ai arrin të mundë konkurrencën e Otamendit dhe Stones, për të qenë partner me Laporte.
Ndërkohë te Liverpooli do e kishte të lehtë të ishte partneri i Van Dijk si në Kombëtaren holandeze.