Është mbyllur në barazim 1-1 miqësorja e zhvilluar në Pogradec mes Kukësit dhe Laçit. Ky ishte testi i dytë mes këtyre 2 skuadrave, pasi kujtojmë që në sfidën e parë të zhvilluar në Librazhd, triumfuan kurbinasit me rezultatin 0-2.
Për sa i përket sfidës së sotme, skuadra e Sulejman Starovës kaloi e para në avantazh në minutën e 10-të me anë të futbollistit Elvi Berisha. Pjesa e parë u mbyll me avantazhin minimal të bardhebluve, ndërkohë që në pjesën e dytë, nënkampionët e Superiores barazuan shifrat me anë të mesfushorit Eduard Rroca, i cili gjeti rrugën e rrjetës në minutën e 50-të.
Rezultati mbeti i pandryshuar në minutat në vazhdim, ndërkohë që Laçi dhe Kukësi do të vijojnë përgatitjet për raundin e parë të Ligës së Europës.
Kukësi-Laçi 1-1
Rroca 50′ / Elvi Berisha 10′
FORMACIONET ZYRTARE:
Kukësi: Frashëri, Kitanovksi, Teqja, Cuculi, Rrumbullaku, Ethemi, Musolli, Limaj, Rama, Rroca Shkurtaj. Trajner: Ernest Gjoka
Laçi: Selmani, Ignjatoviç, Gjoni, Domgjoni, Deliu, Lushkja, Jonuzi, Turkaj, Berisha, Xhixha, Nuabueze. Trajner: Sulejman Starova
