Cristiano Ronaldo nuk ka kursyer elozhet për veten e tij.
Pas triumfit në finalen e Ligës së Kombeve, portugezi tha se statistikat flasin qartë.
“Nuk ka ndodhur asnjëherë të luaj keq, për 16 vjet numrat dhe statistikat flasin qartë. Unë e kam dëshmuar veten gjatë karrierës sime, pavarësisht thashethemeve të njerëzve, statistikat flasin vetë”, tha Ronaldo pas ndeshjes.
I pyetur për Topin e Artë, ylli i Juventusit tha: “Unë i kam fituar tre trofe këtë sezon, gjatë të cilit kam qenë i mirë. Çfarë mund të bëj tjetër? Nuk e di nëse e meritoj, këtë vendoseni ju pasi unë nuk do të flas”, përfundoi ai.