Borja Valero u transferua nga Fiorentina tek Interi, para dy sezonesh dhe mesa duket do të qëndrojë edhe për një sezon tjetër me zikaltërit.
Prej kohësh në mediat italiane flitej se Fiorentina ishte e interesuar për të rikthyer përsëri në skuadrën e tyre mesfushorin spanjoll. Po për ti larguar këto zëra ka mjaftuar një intervistë e agjentit të lojtarit i cili shprehet: “Borja Valero do të mbetet 100% me Interin.Ai është shumë mirë atje dhe nuk do të largohet, ai është i lumtur tek zikaltërit”.
Gjithashtu kohët e fundit kanë qarkulluar edhe lajme se mesfushori mund të largohej në drejtim të Spanjës, por për këtë ai shprehet : “Jo tani për tani nuk ka shanse për tu kthyer në Spanjë. Do të qëndrojë me Interin 100%”.- mbylli intervistën e tij agjenti i spanjollit.
34-vjeçari luan prej 2 sezonesh me Interin, ku është aktivizuar në 75 ndeshje dhe ka shënuar 2 gola.
