Mançester Siti dhe Liverpuli këtë sezon i dhuruan futbollit një garë të jashtëzakonshme deri në javën e fundit të Premier Ligës.
Por, klubet duket se nuk kanë ndërmend ta lënë me kaq garën dhe do të vazhdojnë gjatë verës të konkurrojnë njëra-tjetrën.
Këtë herë nuk do të jetë motiv kampionati, por francezi Nabil Fekir. Siç raporton “Daily Express”, të dyja skuadrat kanë nisur interesin për lojtarin e Lionit.
25-vjeçari ka shprehur dëshirën për t’u larguar nga Franca dhe Premier Liga është një destinacion perfekt për të. Fekir luan si mesfushor i avancuar, ose si një sulmues i fshehur dhe lehtëson shumë trajnerët me aftësitë e tij adoptuese.
Duke kaluar në Premier Ligë, Fekir kërkon dhe rikthimin si titullar në Kombëtare, ku deri tani ka bërë 21 paraqitje dhe ka shënuar 2 gola.
