Një nga aferat më të mëdha të kësaj merkatoje do të jetë e ardhmja e Pol Pogba. Mesfushori është i vendosur të largohet nga Mançester Junajtid, teksa këtë fakt e vërteton në çdo intervistë duke u shprehur se mund të jetë momenti i duhur për të provuar një eksperiencë të re. Ditën e sotme, sipas medieve angleze ka pasur një zhvillim të ri për francezin.
Nëse deri pak kohësh, Junajtid ishte kundër largimit të Pogba dhe kërkonte me çdo kusht të mbante larg klubet pretendente, tashme klubi dhe trajneri Solskjaer kanë menduar se do të jetë më fitim prurëse ta lejojnë 26-vjeçarin të largohet, teksa të ardhurat e mesfushorit mund të investohen sërish në merkato.
Sakaq, do të jenë një garë e ashpër ajo mes Realit dhe Juventusit për të siguruar shërbimet e lojtarit. Bardhezinjtë do të mundohen të shfrytëzojnë lidhjen me të shkuarën, ndërsa edhe agjenti i lojtarit Raiola është një bashkëpunëtor i ‘Zonjës së Vjetër’.
