Nisje aspak e mirë e sezonit për kapitenin e Kombëtares, Mërgim Mavraj.
Ekipi i tij i ri, Greuther Furth, luajti një miqësore me ekipin e Augsburgut, e cila u mbyll me humbjen 0-1.
Por, ishte 33-vjeçari Mavraj, ai i cili në minutën e 19-të, u përplas me një kundërshtar, dhe nuk mundi të vazhdonte më lojën.
Mavraj ka dëmtuar shpatullën e majtë dhe detajet e para thonë se mungesa jashtë fushave mund të shkojë 1-2 dy muaj.
Ai pritet që të humbasë sfidat e para në Bundesligën e dytë gjermane, si dhe rrezikon takimet e shtatorit të Shqipërisë.
