Manchester United është shumë pranë transferimit të lojtarit, që bëri një sezon të shkëlqyer me skuadrën e Lille në Ligue 1, Nicolas Pepe.
Sipas raportimeve të fundit të ‘The Sun’, United është afër marrëveshjes me Lille, për shumën e 70 milionë funteve.
Interesim për lojtarin kanë shfaqur edhe Arsenal e Liverpool, por duket se ‘Djajtë e kuq’ janë ata që kanë marrë kryesimin.
Pepe ishte në formacionin e vitit në Ligue 1 për sezonin 2018/19, sezon kur tërhoqi edhe vëmendjen drejt tij.
Francezi 24 vjeçar kishte shënuar 22 gola duke ndihmuar skuadrën e tij ta mbyllte sezonin në vendin e dytë.
