Teuta kalon një nga provat më të forta në transfertë në fundin e këtij sezoni, duke mposhtur Kastriotin me shifrat 1-2, në një ndeshje që rezultoi më e lehtë nga sa parashikohej. Skuadra e Edi Martini mori një trepikësh të artë dhe tashmë hedh një hap gjigand drejt titullit kampion, që i mungon prej 27 vitesh.
Në pjesën e parë shënoi një gol mjaft të bukur Lorenco Vila, ndërsa në fillimin e së dytës dyfishoi Dejvi Bregu. Kastrioti rihapi takimin me një supergol të Ermir Rezit, por vetëm kaq, pasi më pas nuk bëri asgjë për të shkuar te barazimi. Durrsakët e administruan mirë lojën dhe mund të kishin shënuar gola të tjerë, por Krasniqi, Bregu dhe E.Vila shpërdoruan disa raste.
