Përgatitjet për sezonin e ri me fanellën e Liverpoolit nuk kanë nisur në mënyrën më të mirë për portierin Alisson Becker.
“The Reds” zhvilluan miqësoren e radhës kundër Lyon në Gjenevë të Zvicrës.
Në këtë ndeshje, startues nga minuta e parë ka qenë edhe Alisson, që u kthye në skuadër pasi triumfoi me Brazilin në Kupën e Amerikës.
Portieri brazilian bëri një gafë të pafalshme, ku u tregua i pasaktë në kontrollimin e një topi në minutën e 3-të të ndeshjes.
Jo vetëm kaq, por portieri shkaktoi faull brenda zone dhe gjyqtari akordoi penallti, e cila u shndërrua në gol nga Memphis Depay.
Gjithsesi kampionët e Europës për klube e përmbysën dizavantazhin, duke fituar në fund me shifrat 3-1.