Sulmuesi shqiptar, Elis Bakaj ka shënuar në ndeshjen që skuadra e tij Shakhtjor Soligorski, po luan me Esbjergun, në kuadër të turit të dytë të Ligës së Europës.
Bakaj me një goditje dënimi, ka kaluar bjellorusët në epërsi që në minutën e pestë të takimit.
Ai e ka kaluar topin poshtë murit, duke mos i lënë asnjë mundësi reagimi portierit kundërshtar.
Gol i bukur dhe me shumë peshë ky për Bakajn dhe skuadrën e tij.
