Pasi u përfol para disa ditësh se ishte arritur një akord mes lojtarit brazilian dhe klubit madrilen, tashmë gjithçka është bërë zyrtare.
“Los Colchoneros” kanë arritur të marrin mbrojtësin , Renan Lodi, nga skuadra e Atthletico Paranaense. 20-vjeçari njihet për aftësitë e tij, ku ndërton një sulm të shpejtë, dhe gjithashtu ka tepër forcë goditëse në drejtim të portës. Lodi ka firmosur një kontratë 6 vjeçare me klubin spanjoll.
Në fjalët e tij të para si lojtar i Atleticos u shpreh se ishte shumë i lumtur që ndodhej në këtë klub.
“Jam shumë i lumtur që jam këtu, gjithashtu do të jetë një nder për mua që do të kem si trajner Diego Simeonen, pasi ai është një nga teknikët më të mirë në botë”.
