Manchester City ka zyrtarizuar transferimin e mesfushorit spanjoll, Rodri.
23-vjeçari është bërë përforcimi më i shtrenjtë në histori të Manchester Cityt pasi për të marrë kartonin e tij janë derdhur në arkat e Atletico madridit plot 62.8 milionë sterlina.
Rodri ka nënshkruar një kontratë 5-vjeçare.
“Ajo që ka bërë Manchester City në dy vitet e fundit ka qenë e mrekullueshme dhe jam shumë i lumtur që do të jem pjesë e një ekipi kaq të talentuar”, deklaroi Rodri.
Përforcimi i ri do të veshë fanellën me numrin 16.
