Klubi i Kukësit ka zyrtarizuar shkarkimin e trajnerit Ernest Gjoka.
Shkak për këtë shkarkim, ka qenë eliminimi nga Debreceni në Ligën e Europës, ndërsa në ditët në vijim klubi verilindor do të gjejë edhe trajnerin e ri për të synuar titullin kampion.
Gjasat më të mëdha janë që në stolin e Kukësit pritet të ulet Ilir Daja.
Njoftimi i plotë i Kukësit:
Trajneri Ernest Gjoka nuk do të jetë më në krye të skuadrës së Kukësit.
Vendimi është marrë pas rezultateve zhgënjyese të ndeshjeve kualifikuese të Europa League.
Klubi ynë trajnerit Gjoka i ka dhënë gjithë mbështetjen e mundshme, sidomos pas rikthimit të tij në krye të pankinës së skuadrës nënkampione të Shqipërisë.
FK Kukësi falenderon trajnerin Gjoka për punën e bërë në krye të ekipit.
Shumë shpejt, klubi do të njoftojë për emrin e trajnerit të ri, i cili objektiv kryesor do të ketë fitimin e titullit Kampion, Kupës së Shqipërisë si dhe përfaqësim sa më dinjitoz në Kupat e Europës!!
