Liverpuli fitoi me shifrat 3-1 miqësoren e sotme ndaj Lionit, por në takim nuk munguan as gafat, as autogolat, por edhe eurogolat.
Takimi nisi me një gafë të portierit Alison. Brazilianit i iku një top shumë i thjeshtë nga duart, dhe kështu shkaktoi penallti për francezët. Nga pika e bardhë, nuk gaboi Memfis Depai.
Gjithsesi, ekipi i Klopit ia doli të përmbyste shifrat me dy gola të shpejtë. Në minutën e 17-të, ishte Roberto Firminjo që shënoi me një kthesë të bukur nga brenda zone, ndërkohë që në të 21-tën, Andrersen shënoi një gol në portën e tij, dhe i dha avantazhin të kuqve.
Në minutën e 53-të, u shënua edhe goli i fundit i sfidës, nga i riu Herri Uillson, dhe në fakt ekzekutimi ishte fantastik, nga rreth 30 metra.