Portieri i Kombëtares shqiptare, Etrit Berisha prej ditës së sotme është zyrtarisht lojtari më i ri i Spalit. Shqiptari la Atalantën pas dy sezonesh dhe tashmë e pret një aventurë e re.
Sezonin që lamë pas, Atalanta arriti të kualifikohej në Ligën e Kampionëve dhe një pjesë të meritës e kishte dhe Berisha. Përveç arritjeve, miqësitë në Bergamo për shqiptarin ishin të shumta dhe Papu Gomez, kapiteni i zikaltërve, përmes një postimi në “Instagram”, i dha lamtumirën Berishës.
“Mirupafshim mik. Do na mungosh shumë. Paç fat. Historia është e jotja”, ka shkruar argjentinasi në foton e postuar me shqiptarin.
