Milani nuk ka shkuar më shumë se barazimi 1-1 në miqësoren e sotme të zhvilluar ndaj Novarës. Ishin miqtë që kaluan të parët në avantazh me anë të Stropës në minutën e 14-të nga pika e bardhe e penalltisë, ndërkohë që kuqezinjtë barazuan shifrat me anë të futbollistit të sapo ardhur në merkato, Teo Hernandez, i cili goditi fortë nga jashtë zone.
Milani do të lerë nesër Italinë për të udhëtuar drejt Shteteve të Bashkuara të Amerikës, për turneun miqësor që është duke u zhvilluar.
FORMACIONI I MILANIT:
Donaruma; Kalabria, Muzakio, Romanjoli, Rodriguez; Çalhanoglu, Bilia, Breshianini; Suso; Kastijeho, Piontek. (U aktivizuan: Konti, Gabia, Teo Hernandez, Borini).