I dha fund aventurës positive me skuadrën e Luganos në Zvicër, Armando Sadiku dhe i është bashkuar klubit spanjoll Levante. Sulmuesi I Kombëtares do të bëjë të gjitha përpjekjet që të bindë trajnerin Paco Lopez, për të qenë pjesë e formacionit në sezonin e ardhshëm.
28-vjeçari i dha fund pushimeve që po i shijonte në Valencia për t’u stërvitur me spanjollët, pasi nga postimet e bëra së fundmi në “Instagram” shihet qartë që po pregatitet në stërvitje në mënyrë intensive.
Në ditët pasuese pritet të mësohet e ardhmja e Sadikut. Kujtojmë që për shërbimet e yllit shqiptar është I interesuar klubi turk, Trabzonspor.
