Harry Kane shënoi golin vendimtar ndaj Juventusit në një ndeshje miqësore dhe atë e bëri në mënyrë spektakolare.
Ai shënoi nga gjysma e fushës, duke mposhtur portierin kundërshtar Wojciech Szczesny.
“Është ndër golat më të mirë në karrierën time”, ka thënë Kane.
Loja dukej se po shkonte drejt penalltive. Por Kane shënoi këtë gol spektakolar në kohën shtesë.
Kapiteni i kombëtares angleze pa portierin kundërshtar që ishte larg portës së tij dhe e mposhti me një goditje shumë precize nga rrethi i mesit të fushës, duke bërë që ndeshja të përfundojë 3-2 në favor të londinezëve.
