Kristian Eriksen ishte një nga objektivat e Real Madridit, por mesa duket interesi i madrilenëve është zbehur.
Pas përfundimit të sezonit futbollistik drejtuesit e Realit, folën me Totenhemin, për një transferim të mundshëm të Eriksen në “Santiago Bernabeu”, por kërkesa prej 70 milionë eurove, bëri që madrilenët të distancohen. Spanjollët e quanin të lartë këtë çmim dhe pas transferimit të Hazard dhe Joviç, ata tashmë kanë hedhur sytë nga Pogba.
Mesa duket spanjollët kanë hequr dorë nga danezi, dhe lojtari ka vendosur të luaj edhe një sezon për “the spurs”.
Kontrata me Totenhemin përfundon në fund të sezonit, dhe më pas 27-vjeçari do të jetë një lojtar i lirë. Lojtari preferon të luajë edhe një sezon në Angli, dhe më pas të jetë një lojtar i lirë dhe me shpresën se do të transferohet tek Reali, pas një sezoni.
