Everton Soares është një nga zbulimet e Brazilit në Kopa Amerika, dhe ka ngjallur interesin e klubeve emblemë të Evropës.
Në një bisedë me gazetarët, 23-vjeçari ka shprehur dëshirën për të kaluar në kontinentin Evropian: “Ëndrra e çdo futbollisti është të luajë në nivelin më të lartë në Evropë. Nëse ai duhet të zgjedhë një ligë të caktuar ajo është Premier Liga angleze, ka një nivel shumë të lartë teknik dhe taktik. Futbollisti rritet shumë në atë ligë.”- u shpreh sulmuesi brazilian.
Disa thashetheme e lidhin emrin e tij, me një transferim të mundshëm tek Bajern Mynih, por talenti brazilian shprehet se do të zgjedhe skuadrën e re, vetëm pas përfundimit të Kopa Amerika.
I formuar tek Gremio, Everton debutoi me skuadrën kryesore në 2014, ku ka zhvilluar 227 ndeshje dhe ka shënuar 56 gola. Me Brazilin ka zhvilluar 11 ndeshje, dhe ka shënuar dy gola, pikërisht në kompeticionin ku është duke marrë pjesë.
