Gianluca Petrachi e ka ftuar Gonzalo Higuainin te Roma. Chelsea nuk ka vendosur ta blejë sulmuesin, i cili është detyruar të kthehet te Juventusi.
Por, “El Pipita” nuk bën pjesë në planet e Juventusit, edhe pse pëlqehet shumë nga Maurizio Sarri dhe kështu duhet të kërkojë për një klub të ri.
Roma është e interesuar në argjentinasin dhe tani haptazi i ka dërguar mesazh drejtori sportiv i klubit, Gianluca Petrachi.
“Nëse Higuain dëshiron të kthehet në ditët e tij më të mira, nuk ka zgjidhje më të mirë për të se ardhja te Roma”, tha Petrachi.
“Këtu, ai mund të ndjekë shembullin e Gabriel Batistutës, që la gjurmët e tij në Romë”.