Paulo Dybala u ka dhënë fund spekulimeve, duke e konfirmuar vendimin e tij të qëndrojë në Juventusi të paktën edhe një sezon tjetër.
Klube të njohura europiane ia kanë vënë syrin yllit argjentinas, i cili nuk po gjen hapësira të mjaftueshme në Torino
Manchester United, Paris Saint-Germain apo Tottenham janë klubet më të interesuara për të, por nuk qëndron prapa as Interi.
Sidoqoftë, Dybala ua ka bërë me dije të gjithëve vendimin e tij, me një deklaratë të shkurtët dhënë të përditshmes italiane “Corriere dello Sport”.
“Unë dua vetëm Juventusin”, ka thënë argjentinasi.
