Frank Lampard ka arritur marrëveshje me Chelsean për t’u bërë trajneri i ekipit të parë.
Ky lajm pritet të konfirmohet edhe nga klubi londinez, pasi Derby County së fundmi e lejoi trajnerin të mos e nisë turneun parasezonal me skuadrën e tyre, për të arritur marrëveshje me skuadrën londineze.
Chelsea do t’i shpaguajë 4 milionë sterlina Derby Countyt në formë dëmshpërblimi pasi Frank Lampard kishte ende kontratë me klubin e Championshipit.
Lampardi do ta zëvendësojë Maurizio Sarrin, i cili iu bashkua Juventusit para disa javëve për pesë milionë funte.
41-vjeçari kthehet në klubin ku kishte luajtur për 13 vjet, duke i shënuar 211 gola në 649 ndeshje në atë që mbetet epoka më e suksesshme në historinë e klubit.
Ndërsa në krahun tjetër “Goal”, raporton se Lampardi do ta sjellë me vete stafin e tij që e kishte në Derby County. Ish-mesfushori i Chelseat, Jody Morris, do të jetë ndihmësi i tij edhe në “Stamford Bridge”.