Tirana ka nisur nga puna për ndërtimin e skuadrës që do marrë pjesë në Superiore sezonin e ardhshëm. Drejtuesit e klubit bardheblu kanë disa dëshira të cilat pritet t’i mbyllin shumë shpejt për të mos humbur shumë kohë.
Dëshira e kryeqytetasve është arritja e marrëveshjes me mesfushorin e KF Llapit. Bëhet fjalë për 22-vjeçarin, Hamdi Namani. Prej ditësh është folur për nisjen e bisedimeve por ende nuk ka diçka zyrtare pasi pritet që vetë klubi të thotë fjalën e fundit.
Trajneri i Tiranës, Ze Maria ka kërkuar dhe përforcimin e repartit të mbrojtjes. Tekniku brazilian kërkon me çdo kusht dy mbrojtës, emrat e të cilëve mbahen sekret deri në mbylljen e marrëveshjeve, gjë që pritet të mësohet në orët e ardhshme.
