Neymar do të mund të largohet nga Paris Saint-Germain vetëm në këmbim të vlerës së plotë që “Les Parisiens” shpenzuan për të transferuar brazilianin në Francë nga Barcelona.
Ky është pretendimi më i fundit i prestigjiozes franceze “L’Equipe”, të cilët bëjnë me dije se klubi kampion në fuqi i Francës nuk është i interesuar për asnjë marrëveshje që përmban opsionin e këmbimit me futbollistë të tjerë.
Përkundrazi, PSG është i gatshëm që të mbajë të pakënaqurin Neymar, nëse asnjë klub nuk ofron 222 milionë eurot e shpenzuara nga francezët.
Duket se asnjë klub nuk tregohet i gatshëm të paguajë 222 milionë euro për shkak të respektimit të “Fair Play Fiannciar”.
Në anën tjetër, Real Madrid është futur si kandidat për brazilianin, por vetëm me opsionin e ofrimit në këmbim të Gareth Bale plus para.
