Partizani do të përballet ditën e nesërme ndaj Karabakut në takimin e kthimit të vlefshëm për raundin e parë të Ligës së Kampionëve.
Skuadra e kuqe u nis në orët e para të mëngjesit nga Tirana, teksa pas disa orësh fluturim, mbërriti në Baku, teksa është akomoduar në një hotel në kryeqytetin Azerbajxhanas.
Skuadra e italianit Lerda do të zhvillojë sot pasdite stërvitjen e fundit në prag të sfidës, ndërkohë që në orën 17:45 me orën shqiptare trajneri i Partizanit do të dalë në konferencë për shtyp në stadiumin “Dalga Arena”. “Demat e Kuq” do të provojnë të surprizojnë ditën e nesërme, pas barazimit 0-0 në “Selman Stërmasi”.
